نظرية الفوضي Chaos Theory

.
لما إسحاق نيوتن إكتشف قوانين الحركة سنة 1687 إنتشر إعتقاد إن العالم عبارة عن ألة ميكانيكية كبيرة وكل حاجة في الكون بتحصل لازم يبقي ليها تفسير , يعني لو عرفت كل القوي والقوانين الرياضية اللي بتأثر علي الأجسام حوالينا هقدر أعرف بالضبط الجسم ده هيبقي عامل إزاي في المستقبل
.
سنة 1814 جه العالم النجيب بيير لابلاس وقال إن كل حاجة دلوقتي بما فيها الكون هو نتيجة وضعه في الماضي , وصورة من وضعه في المستقبل .
وقال إن لو قدرنا نعرف القوي اللي بتأثر في الكون هعرف أتحكم فيها وأعرف منها مستقبل النظام ككل . وهو ده بقي " مبدأ الحتمية Determinism "
.
سنة 1876 العالم جيمس كليرك ماكسويل قال إن وضع أي جسم في المستقبل بيعتمد علي وضعه الأولي وظروفة الأولية initial conditions بس برضة وضع الجسم الأولي مش هيأثر أوي علي الوضع النهائي للجسم .
ونيوتن قال غن وضع الجسم الأولي ملوش لازمة أصلاً , ومش هيأثر .
.
مثال :
لو في كورتين ورميتهم في مسارين مختلفين مستقيمين بنفس القوة وفي نفس الظروف من حرارة ورياح والكلام ده كله , بس بس الفرق الوحيد هو إن مسار الكرة التانية مائل مثلا بدرجة 0.2354688 , هل الزاوية الصغيرة دي هتأثر علي مسار الكورة في المستقبل ؟

نيوتن قال لأ مش هتأثر خالص ولا ليها لازمة , ونفي مفهوم " الحساسية للظروف الأولية Sensitivity ti initial conditions "
ماكسويل قال هتأثر بس مش اوي يعني بحيث إني ممكن أهمل التأثر , يعني نفس رأي نيوتن بس زينه شوية =D =D .
.
سنة 1890 جه العالم ريمون بوانكاريه ورجع مفهوم الحساسية للظروف الاولية تاني , وقال إن وضع أي جسم في المستقبل بيعتمد كليا علي الظروف الاولية . وقال دليل علي كدة إن أقصي تنبؤ للطقس هو الإسبوع يعني مقدرش اتنبأ بطقس سنة مثلاً , ولا أقدر أقول إن يوم كذا من سنة 2019 هيبقي حر ولا برد .
ومن هنا نشأ مفهوم نظرية الفوضي Chaos Theory :
اللي بتقول غن مستحيل أتنبأ بمستقبل أي نظام لأن التغيرات الصغيرة في ظروفه الأولية بتأثر تأثير كبير جداً عليه في المستقبل .
ودي كانت اول ضربة لمبدأ الحتمية قبل ميكانيكا الكم =D =D . .
.
المرة الجاية هكمل الموضوع كله ونعرف يعني إيه " تأثير جناح الفراشة

المصدر:1

تنويه : الصور والفيديوهات في هذا الموضوع على هذا الموقع مستمده أحيانا من مجموعة متنوعة من المصادر الإعلامية الأخرى. حقوق الطبع محفوظة بالكامل من قبل المصدر. إذا كان هناك مشكلة في هذا الصدد، يمكنك الاتصال بنا من هنا.

عن الكاتب

هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى

0 التعليقات لموضوع "نظرية الفوضي Chaos Theory"


الابتسامات الابتسامات